රෙසින් කලාව ආරම්භ කිරීමට මට අවශ්‍ය මොනවද? සරලව ආරම්භ කරන්න!
Posted by Bawantha Perera on 8th Jul 2025
Artland හිදී අපෙන් අහන තවත් ප්‍රශ්නවලින් එකක් වන්නේ:
"රෙසින් කලාව ආරම්භ කිරීමට මා මිලදී ගත යුත්තේ මොනවද?"
හොද ප්‍රශ්නයක්, නමුත් පිළිතුර රඳා පවතින්නේ ඔබ මුලින්ම සෑදීමට කැමති දේ මත ය.
බොහෝ ආරම්භකයින් අන්තර්ජාලය/ සමාජ මාධ්‍ය හරහා දකින මල් සංරක්ෂණය, විශාල කෝස්ටර්, රේසින් මේස, වැනි රේසින් නිර්මාණ බලා ආශ්වාදයක් ලබයි, මේවා ලස්සනයි, නමුත් ආරම්භයේදී ඒවා කිරීමට අපහසු විය හැකිය. මෙවැනි නිර්මාණ කිරීමට කාලය, අත්දැකීම් සහ මෙවලම් අවශ්‍ය වේ.
සරලව පටන් ගන්න, ඇයි?
විශාල හෝ මිල අධික ව්‍යාපෘති පටන් ගැනීමට පෙර, මූලික මෙවලම් කිහිපයකින් ආරම්භ කිරීමට අපි සැමවිටම නිර්දේශ කරමු. හේතුව:
- ඔබ රේසින් නිසි ලෙස මැනීම සහ මිශ්‍ර කරන්නේ කෙසේදැයි ඉගෙන ගනු ඇත (පරිමාව මත පදනම් වූ හෝ බර මත පදනම් වූ)
- රේසින් හැසිරෙන ආකාරය සහ ඝන වන ආකාරය ඔබට වැටහෙනු ඇත.
- ඉඟි, උපක්‍රම සහ දෝශ නිරාකරණය ඔබ ඉගෙන ගනු ඇත.
- මිල අධික ද්‍රව්‍ය නාස්ති වීම වළක්වා ගත හැකිය.
- මෙම විනෝදාංශය ඔබට සුදුසු දැයි ඔබටම වැටහෙනු ඇත.
- සහ වඩාත්ම වැදගත් දෙය නම්, නිසි ආරක්ෂාවක් සහිතව රේසින් භාවිතා කිරීමට ඔබ ඉගෙන ගනු ඇත.
රෙසින් කලාව සඳහා අවම ආරම්භක රේසින් සහ මෙවලම් කට්ටලය:
ඔබේ පළමු කුඩා ව්‍යාපෘතිය නිර්මාණය කිරීමට ඔබට අවශ්‍ය වන්නේ මෙන්න: පෙන්ඩනයක්, කරාබුවක් හෝ යතුරු ටැගයක් වැනි නිර්මාණ වලින් පටන් ගැනීමට:
- ඉපොක්සි රෙසින් (කුඩා කට්ටලය): පරිමාව මත පදනම් වූ අනුපාතයක් සහිත (1:1 හෝ 2:1 වැනි) පහසු, ආරම්භක-හිතකාමී එකක් තෝරාගන්න.
- 2 මිනුම් කෝප්ප: A සහ B කොටස සඳහා
- ලී හෝ ප්ලාස්ටික් මිශ්‍ර කූරු
- කුඩා සිලිකොන් අච්චුවක්: සිදුරක් සහිතව (යතුරු ටැග් හෝ පෙන්ඩන්ට් සඳහා විශිෂ්ටයි), නැතහොත් hand drill මෙවලමක් අවශ්‍ය වේ.
- මයිකා හෝ දියර වර්ණක.
- අත්වැසුම් සහ ආරක්ෂිත ඇස් කණ්ණාඩි: ඔබේ සම සහ ඇස් ආරක්ෂා කරගන්න.
විකල්ප නමුත් ප්‍රයෝජනවත්:
- පොලිතින් හෝ සිලිකොන් මැට් (silicone mat) එකක්: ඔබේ මේසය ආරක්ෂා කර ගැනීමට
- Toothpick: වායු බුබුළු ඉවත් කිරීමට හෝ කුඩා දේවල් චලනය කිරීමට
- බුබුලු ඉවත් කිරීමේ ඉසින (bubble remover spray): බුබුලු සහ ඔබේ මෙවලම් පිරිසිදු කිරීමට උපකාරී වේ.
- ඔබේ රේසින් ඝන වන තුරු ආවරණය කිරීමට පෙට්ටියක්.
- Small hand drill: රේසින් නිර්මාණයේ සිදුරු විද ගැනීම සදහා.
තවද, ඔබට අවශ්‍ය දේවල ඔබ නිර්මාණ කිරීමට බලපොරෝතුවන ව්‍යාපෘතිය මත අවශ්‍ය වේ.
1. පෙන්ඩන්ට් හෝ කරාබු
- කුඩා සිලිකොන් ආභරණ අච්චුව
- කරාබු කොකු, පෙන්ඩන්ට් පාද
- ජම්ප් රින්ග්ස්, බේල්, අයි පින් සහ මූලික මෙවලම් (Jump Rings, Bail, Eye Pin ...etc)
- Glitter, වියළි මල්, gold foil ... වැනි දේ
- UV රෙසින් (විකල්ප, දිලිසෙන ඉහළ කබායක් සඳහා)
2. හෝඩියේ අකුරු යතුරු ටැග්
- හෝඩියේ සිලිකොන් අච්චුවක්
- යතුරු මුදු (key chains)
- වර්ණක, දිලිසෙන කුඩු සහ කෑලි, කුඩා සැරසිලි ... වැනි දේ
- Jump Rings
- Small hand drill: සිදුරු විද ගැනීම සදහා.
3. කෝස්ටර්ස්
- කෝස්ටර් අච්චු (වටකුරු හෝ හතරැස්, සෙන්ටිමීටර 8-14 පමණ)
- තාප ප්‍රතිරෝධී ඉපොක්සි රෙසින් (උණුසුම් පාන වර්ග සමඟ භාවිතා කරන්නේ නම්)
- මධ්‍යසාර තීන්ත හෝ වර්ණක
- Gold foil, වර්ණ කැඩුණු වීදුරු
4. තැටි/පිගන්
- විශාල තැටි හෝ පිගන් අච්චුව (සමහර ඒවාට හැන්ඩ්ල් ඇත)
- වැඩිපුර ඉපොක්සි රෙසින් (තැටියේ ප්‍රමාණය මත රඳා පවතී)
- ඔබ කැමති ඕනෑම සැරසිලි: වර්ණ, වියළි මල්, glitter, ආදිය.
ආරම්භකයෙකු ලෙස පහල සදහන් ව්‍යාපෘති වලින් වළකින්න, මෙම රසින් ව්‍යාපෘති අත්දැකීම් අනුව පහසු වේ:
- මල් සංරක්ෂණය (අත්දැකීම් අවශ්‍ය වේ, මල් වියලීම සදහා සිලිකා ජෙල් සහ සෙමින් ඝනවන රේසින් අවශ්‍ය වේ)
- ගැඹුරු වත් කිරීමේ අච්චු
- බහු ස්ථර රේසින් ව්‍යාපෘති (multi layers)
- වෙනත් විශේෂ ප්‍රයෝග
මේවාට අවශ්‍ය වන්නේ:
- විශාල ප්‍රමාණයේ රේසින් (වැඩ කරන කාලය අඩු වීම, වැරදි සිදුවීමට ඇති ඉඩකඩ වැඩි වීම)
- ඉපොක්සි රෙසින් සෙමින් ඝන කිරීම
- වැඩ කිරීමට ඇති කාලය සහ බහු ස්ථර දැමීමේ අත්දැකීම්.
- රික්තක කුටිය හෝ පීඩන බඳුන (හොඳම ප්‍රතිඵල සඳහා)
ඒවා විශ්මයජනකයි, නමුත් ඔබේ පළමු උත්සාහයන් කිහිපය සඳහා ප්‍රශ්න විය හැක.
කුඩාවට පටන් ගන්න. ඔබේ පළමු රේසින් ව්‍යාපෘතිය උත්සාහ කිරීමට ඔබට අවශ්‍ය වන්නේ සරල, අඩු වියදම් සැකසුමක් පමණි.
Artland හිදී, ඔබට ආරම්භ කිරීමට උදව් කිරීමට අපි සැමවිටම කැප වෙමු. ඔබට විනෝදය සඳහා නිර්මාණය කිරීමට, තෑගි දීමට හෝ
ව්‍යාපාර සඳහා රේසින් වලට අවශ්‍ය ද්‍රව්‍ය ලබාගැනීමට පැමිණෙන්න.